உங்கள் தோட்டத்தில் அதிக விளைச்சல் எடுக்க விரும்புகிறீர்களா?
அப்படி என்றால் இந்த தேமோர் கரைசல் உங்களுக்கு மிகவும் அவசியம். இரண்டே பொருள்களை கொண்டு மிகவும் எளிமையாக நம் வீட்டிலேயே தயாரித்துக் கொள்ளலாம். இந்தக் கரைசல் ஆனது 5 நாட்களில் தயாராகிவிடும். இதன் பயன்கள் என்னவென்றால் பூக்கள் அதிகம் பூக்கும். பூக்கள் அனைத்தும் காய்களாக மாற ஊக்கியாக பயன்படும். காய்கள் உதிராமல் இருக்க உதவும்.
கரைசல் செய்ய தேவையான பொருட்கள்.
- புளித்த மோர் – 1 லிட்டர்
- தேங்காய் பால் – 1 லிட்டர்
- மண்பானை- 1
தயாரிக்கும் முறை:
புளித்த மோரை தேங்காய் பாலுடன் கலந்து மண்பானையில் ஊற்றி நிழலான இடத்தில் ஐந்தில் இருந்து ஏழு நாட்கள் வரை வைத்திருக்க வேண்டும்.
பின்பு இதனை எடுத்து பயன்படுத்தலாம்.
பயன்படுத்தும் முறை:
ஏழு நாட்களுக்குப் பிறகு ஒரு லிட்டர் தண்ணீரில் 50 லிருந்து 100 மில்லி தேமோர் கரைசல் என்ற விகிதத்தில் கலந்து, காலை அல்லது மாலை நேரங்களில் செடிகளுக்கு தெளித்து வரவேண்டும்.
நன்மைகள்:
- இந்த தேமோர் கரைசல் ஆனது அதிக அமிலத்தன்மை கொண்டது, இது பயிர்கள் பூ எடுக்கும் சமயத்தில் தெளிப்பதன் மூலம் அதிக பூக்கள் பிடிக்க உதவுகிறது.
- இந்தக் தேமோர் கரைசல் தெளிக்கப்பட்ட செடியில் இருந்து விளைந்த காய்கறிகள் மிகவும் சுவையாக இருக்கும்.
